जेठ-बैशाख दाज्यू पहाड़ ऐ जायाहिसालु, किलमोड़ा, काफल खै जाया।
मिठ-मिठ काफल् कि भल लागैला
खट-मिठ किलमोड़ा कि निक लागौल्
रसिल् हिसालु टाप-टिप खै जाला।
जेठ-बैशाख दाज्यू पहाड़ ऐ जाया
हिसालु, किलमोड़ा, काफले खै जाया।
नौल क ठंडो-मीठो पाणि पी जाला
बांजा बोटा मूड़ी स्योव भै जाला
बखड़ भैंसकि धिनाली खै जाला।
जेठ-बैशाख दाज्यू पहाड़ ऐ जाया
हिसालु, किलमोड़ा, काफल खै जाया।
No comments:
Post a Comment